Amidiko ny foko (Ny ventso)

Amidiko ny foko

Amidiko ny foko
Amidiko tsy lafo izay mety takatrao ;
Izy aloha tsy lainga fa tsy fo vaovao … ,
Efa niatrika ady fa mbola afaka mitempo ;
Ka sahinao ohatrinona ; fa omeko re mba ho ento .

Amidy izy fa ;
Izy aloha lazaiko fa marefo sy marary ,
Ka mila olon-kafa anie raha toa ka alainao ;
Tsy maninona fa afaka atakalo fo vaovao .

Fa ity aloha teny kely eh !
Izy io ange indraindray somary maditraditra !
Ka aoka izay haka azy mba olona mahavita ?
Ataoko fa io foko io mantsy toa sarotra hanarina .

Ka izay no tena antony handefasako azy
Izy aloha tsy afeniko fa efa tofoky ny ady !
Tsy mifidy na inona na inona ; na ratsy na ho tsara ,
Raha vonona ny haka azy ianao mbola ato izy aza tara .

Ny Ventso

13
--------