Tsara tsodrano (R.V.K)

Tsara tsodrano
.
Marina lala
Fa niaraka isika
Tsy hoe hadalana
Tsy lalao na ditra
.
Fa mahery loatra
Ny tendry sy anjara
Na fi aza mantsy
Aleo samy miala
.
Etsy 'ndehana
Izany havako izany
Banjino ny ho avy
Aza resin-tomany
.
Tohizo ny voady
Nifanaovan-tsika
Efa resy ny ankaso
Tsimaintsy tafita
.
Dia tsara tsodrano
Malala tsy foiko
Na mafy amiko aza
Tsimaintsy ho sotroiko
.
Ny hany mba teniko
Arahin-kopa-tanana
Mahita olon-kendry
Hiondakondanana
.
R.v.k
--------