Zonao, zoko (Raim)

Zonao ny miteny ny zavatra lazaiko
Zonao koa ny manana ny zavatra ananako
Zonao ny mahalala ny zavatra ato an-tsaiko
Zonao ny mahay ny zavatra hain'ny tànako.

Zoko ny mihira ny ventso kaloinao
Zoko ny mahita ny zavatra hitanao
Zoko ny mandre ny teny fandrenao
Zoko ny mandray izay eo an-tànanao.

Fa na inona manesika izato faniriako
Na inona manaitra ny fanirianao
Tsy zonao ny mitia ilay olon-tiako
Tsy zoko ny mitia 'lay olon-tianao.
--------