Manjakamiadana (ramajik)

Folo taona lasa izay
no nanaovana an-kasoparana
'lay hany mba fanananay
ny rovan'i Manjakamiadana

Tsy fantam-pihaviana akory
ireo nandrehitra ny afo
f'isika mbola resy tory
no efa montsana ny tafo

Tsy fantatr'antony hoe nahoana
tsy hay valiana koa indrisy
fa rindrina efa babangoana
no sisa tazana ny ampitso

Tsy ny vatanao ihany,
ny Hasinao indrindra koa
no niara-kila tamin'izany
rotidrotika sy lò

K'ankehitriny raha mahatsiaro
ilay fanangasanganao
raha mbola iny lavitr'iny
ny tenako sy 'reo hafa maro
dia velon-tsento, manganohano,
mahatsiaro tena ho tompon-tsiny
fa tsy eo intsony 'lay famantarana,
raha faniriany ny mba ho any,
E! tsy very ianao ranamana
fa eto Vohitsara ihany

Ramajika(Nov.95, notsiahivina Nov.05)
--------