Kodiaran-tsarety (RAMAMINIRINA Henintsoa Jean Baptiste)
Pas encore lu
(Nalaina tao amin'ny vetso.serasera.org)
Miovaova sy mifandimby ny fiainana eto an-tanyResy aho anio, fa rapitso ianao ambany
Ny fiainana anie kodiaran-tsarety e
Miodina foana na an-dalana na an-tanety
Mandeha moramora, tsy mijanona mihitsy
Omaly aho voatorotoro, fa anio hitsiky
Dia hizava tsikelikely ilay tandrifin-drahona
Ary ho lasa mamy, ilay ngidim-bahona
Izay nahatonga aho niaina, tao anaty ony
Dia hiarina amin'izay, hamonjy ilay ambony
Ianao anefa, manenjika sy migafy
Potehanao aho anio, fa rapitso manamafy
Satria aho tsy hanaiky, fa hiezaka mangina
Dia ianao hotaraiky, fa izaho hivoaka am-pitsikiana
Ymamiah 9/06/2023
--------
Lien:
Catégorie :
Fiaraha-monina