MAHANTRA IZY KANEFA... (Ramy Dia)

Anio aho mahatsiaro ny zava-miseho,
Ka ankina mafy,tsy mahaloa-peo
Moa izy ity mba hanaitra ny maro,
Sa ireo tsy hisaina,tsy hahatsiaro?

Nahoana ny sasany no mifaly eny hatrany:
Toa tsy mba misento,toa tsy mitomany?
Ka izay rehetra iriany dia azony avokoa;
Na harena,na fitafy,na dia ny volana soa!

Koboniny ho azy ireo izay ananany,
Hahazoany voninahitra,hameloman'ny anarany
Hamenoany ireo banga rehetra ao anaty;
Tsy hahalasa eritreritra intsony mandra-maty
!
Kanefa tsy fantany fa misy any ho any
Ireo izay mijaly tsy misy fiafarany;
Mitalaho mafy fa sarotra ny ady
Atrehany anio,mampivarina an-kady

Izy ireo no antsoina hoe "mponin'ny lalana":
Tsy manan-kialofana,tsy misy varavarana.
Ny fitafiny aza moa zary rotidrotika,
Ka hovitra sisa no namany mpamotika

Ny sakafo etsy an-daniny efa tsizarizary;
Satria irony fako no ataony solom-bary
Hitazomany ny ainy tsy ho ritra sahady
Noho ity frahoriana sy olana mianjady.

Izany tokoa rehefa tsy misy mpihantr
Satria lazina fa maloto sy mahantra!
Ka na ny sakaiza aza nitodika ivoho,
Fa menatra hatrany ka tsy nihodi-doha!

Koa raha misy ny azo omena anio
Dia atolory am-pitiavana,ary ifalio;
Satria izy ireny dia toa anao ihany:
Mba te-hiaina hatrany ny soa sesy lany!

25 Mey 2012
--------