TSIARO (RAONA)

Ekeko fa misy ny fanadinoina
Rehefa mandalo ny andro sy ny ora
Fa hiverina ny lasa tsy mila antsoina
...ny hiaina ireny aloha ka tsy mora

Fa na inona vaikan' ny taona nandalo,
Ny fahatsiarovana akory tsy ho foana
Dia na inona sedra mikendry hampimalo :
Ny tsiaro mipetraka tsy resim-potoana


Ho avy ny andro, handalo ny volana
Tsy maintsy ho avy rafanadinoina
Fa izany tsy mahaleo ny fahatsiarovana
ireo izay niainana sy sarotra inoana

Koa omany ny saina hiseho ho mafy
Hahazaka ny vaikan' ny ankaso rehetra
Fa ho avy ny sedra sy ny olana higafy
(...)ireny no zary tsiaro mitoetra.

RAONA( Ony Navalina Rajaonah)
--------