MAMBOLIA HAZO (Ravo)

Mambole hazo

raha te hahazo
ny hamamin'ny voankazo,
mambolia hazo.

raha te hianoka
ambanin'ny alokaloka,
mambolia hazo.

raha te hihaino ireny
hirahiram-boronkely,
aza izy no gadraina
fa hazo andeha volena.

rahatrizay, raha tianao
ny hilevina amin’ny vatam-paty
vita amin'ny hazo sarobidy...
meteza ianao hamboly hazo.

tononkalon'i Ravo - André Vonjitsoa RAKOTOARIVELO
--------