RINDRA (Ravo)

Mbola tsisy niantsa

Hangataka antsa
(Nalaina tao amin'ny vetso.serasera.org)
RINDRA


Ianao ilay efa Nisy hatrany am-piandohana,
sady inoako ho Misy fa tiako hiafarana,
Ianao izay nampisy sy nandrindra ny amiko,
Ianao no tena Misy sady antoky ny ho aviko.


Ny rindram-piainako eto dia tsy misy vaovao
ka inoako sy ekeko ho ilay tena avy aminao,
Ireo rehetra mbola hitranga dia hinoako ihany koa,
ho toriako tsy mihamba fa avy Aminao Tsitoha.


Ny rindra izay tiako hajoro dia mba hiriko koa
Ho ianao no hanorotoro sy hametraka azy ho soa;
Ny hahatontosa azy ho tsara no angatahiko Aminao


ka ny mpamaky no hitantara fa hoe lehibe Ianao,
Dia Ianao ilay Mpahary, fototra tsy hita fetra,
Ianao no aoka handavorary izay kinasako rehetra.


Ravo, in André Vonjitsoa RAKOTOARIVELO, "Rindra", ed. EER Antananarivo 2014, tak.5
--------
Rohy:
Sokajy : Ahy
85 1
Mpakafy: TosakaMg
Hametraka hevitra
Midira aloha
Momba ny tononkalo
Mpanoratra : Ravo
Nampiditra : TosakaMg
Daty : 19/11/2026 21:52
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2026 - page load 0.019