MPANAMORY (Ravo)
Pas encore lu
(Nalaina tao amin'ny vetso.serasera.org)
Mpanamory Mila mpanamory za-draharaha sy matihanina,
Tsy miolakolaka mihodinkodina hahafanina,
Fa tsotra sy mahitsy, tsy manao amboletra
Fa vonona hitondra ho eny ampita ny rehetra.
mila mpanamory manan-tsandry henti-mivoy
sady manam-paharetana fa tsy ho mora hamoy,
mila mpanamory mahasahy miroso hatrany
fa tsy ilay fatra-mpanembona izay lasa taloha tany.
mila mpanamory sahy miatrika vahoaka
fa tsy hoe sendra ady sarotra dia hirifatra hitsoaka.
mila mpanamory tena mahazaka sambo,
fa tsy mpilalao lakan-jahatra sao miteraka antambo.
Ravo, André Vonjitsoa RAKOTOARIVELO
--------
Lien:
Catégorie :
Sambo - Literatiora
Fans:
TosakaMg
