Ato anaty foko ato (rfjo)

Ato anaty foko ato,
Misy feonao iray,
Feon'ny tsikin'ny fonao,
Feo mikalo nampiray.

Ato anaty foko ato,
Misy teny maminao,
Misy bitsikao tavela,
Misy tsiky tsiaro anao.

Ato anaty foko ato,
Misy misiterinao,
Misy sary endrikao,
Misy sora-tananao.

Ato anaty foko ato,
Misy sentosentonao
Misy veton-kira iray,
Vetso ny anaranao.

Satria ianao no ilaiko
Hirahiraiko ato an-tsaiko
'Zay hanjary holalaiko;
Ny anaranao ry aiko,

Satria ny feonao mikalo,
Sy ny hiranao manako,
Dia mitondra zava-kanto
Ato anaty foko ato.
--------