EKEKO (RHAd)

Tsapanao ve ny asam-peniko fa tsy mba tononkalo
Ny fihorenam-poko aza, ny ankamarony tsy mazava
Dia monaina teo Ianao ka niato tsy nibada
Navadikao lay pejy feno sento mampimalo

Tsikaritrao reo hadisoako tamin’ny fampitana hevitra
Ny voan-teny norafetiko tsy namoha ny maha – gasy
Dia monaina teo Ianao ka niritona any an’efitra
Nikatsaka ny tsara, tena niova lasy

Nefa hoy aho : alahelo ireny, tena ranomasoko
Sompatra nandemy ny lafatry ny fiainako
Raha monaina teto Ianao aza mihaino ny andrasoko
Fa mpiantsehatra efa resy aho, iza moa no itarainako
--------