Fitia hafa kely (RHTL (Rafahatelo))

Tolakandro tamin'ny telo no nahitako anao,
Teny an-tsena tamin'izay.
Tonga aho dia nanantona, tsy nisalasala akory
Ka namoaka vola sy finday.
HAKA SARY!

Minitra vitsy monja dia vita ny resaka natao.
Dia lasa isika nody , niara-nilomay.
Tonga tao an-trano, ,niaraka natory;
Ny andro koa nahamay.
NAHANDRO VARY!

Ny alina tontolo, nifampiondankondana (fiaina-mbaovao).
Faly loatra mihitsy , ka saika nanapaka rairay.
Fa hoe: tena sambatra, lavitry ny ory,
Izao ny fiainanay.
TSY MARARY!

Ny ampitson'iny, izaho nampandro anao.
Andro atoandro be mety ho tamin'iray.
Fa mbola maika handeha an-dakilasy hivory.
Handranto fahalalàna, hotonga mba mahay.
TE HIHARY

Faly tena faly aho fa nahazo anao
Akanjo vaovao, lobaka matevina (milay)
Ao fa tsy hoentiko matory intsony
Fa ataoko anaty vata, ho tsara petraka amin'izay.
TSY MALABARY


RHTL
11/03/2024
--------