Hafatra (Telonohorefy)

Hafatra

Tia aho dia jamba
Voagadra, voafonja
Fa : "tsy hanariako lamba
Raha ianao monja ! "

Nanaja aho, tsy afenina,
F'ianao no lasana.
E! Dia zakao ny nenin'
ny tody any am-pasana !

Nodikainao ilay voady
Sy dina fahiny
Ka : "Mahaiza mibaby
ny lanjan'ny tsiny !"

Tsy tiana aho dia mionon'
ny teny hoe "misaraka"
Ô! ...Sahady aho mivonona
Handray ny manaraka !

Telonohorefy
--------