vero (vetso)

vero o, aiza ianao?
vero, valio fa miantso anao
vero, te ho eo anilanao
vero, mamalia raha sitrakao

dia hanontany ianao f'iza moa i vero
tsy hafa fa ilay hany mpanafaka alahelo
rehefa eo anilany, tsy misaraka amin'ny tsiky
sanatria zany alahelo, lasa toy ny tsisy.

vero, ilay be fandeferana
vero, ilay mandravaka ny saha
vero, maharevo izato felana
vero, ny fanirinao maha te hizaha

eny, tiako ianao ry vero
avelao aho ho eo anilanao
ho toy ny aty sy ny afero
miara-dia tsy mifandao
eny, ekeko tsotr'izao
fa ny fon'i vero anatiko ao.
--------