ALAO HERY! (Vetsomamiratra)

Mazàna ianao taraina fa hoe ory sy mijaly
Rakofan’aizim-pito ka tsy mba mety faly
Tandrifin-drahon-dava ilay masoandrokelinao
Toa sampona avokoa izay kinasa hoe atao

Saingy izao:
Aza kivy foana na hoe handeha hamoy fo
Fa hampanjakao amin’ny fiainanao I Jesoa
Dia hotsapanao ny fifaliana sesehena
Ary hamiratra aminao ny tara-pandresena

Dia:
Ho hotsapanao anaty, ilay hasambarana tsy lany
Tsy hanaloka anao akory ny dindon-tsento sy tomany
Fa hoparadisakely, ho fifalina lalandava
Ny ratra-po sy alahelo, ho potika sy rava

Vetsomamiratra(Tsiry Todisoa)
--------