Nahoana? (Desirelyaime)

Mbola tsisy niantsa

Hangataka antsa
(Nalaina tao amin'ny vetso.serasera.org)
Nahoana no toa mangina ny antsa ao anatinao
Fahoriana, fijaliana, ny antony mba lazao?
Mampandinika ahy fatratra ary mampametsovetso irery
Ny mahazo ity fireneko, mihamahantra, toa ho very.

Nahoana koa no mitomany , misentosento lava ianao
Moa nilaozan'olon-tiana,sa navadiny tsotra izao?
Tsia, tsia dia tokoa hoy aho, fa noho i Gasikarantsika
Miharesy, mitotongana,rendrika ary tsy tafita

Nahoana ianao no mitanondrika, toa mikimpy ireto maso?
Mivavaka sa mandinika,sa manafin-dranomaso
Tsia, hoy aho aminao,fa noho ilay tanindrazantsika ihany
Very mondro very hasina, toa mirefarefa ambany.

Nahoana ianao no misento, miantsoantso famonjena?
Ny fijery miaka-midina, toa miandrandra fandresena
Tsia , aoka izay ny manontany, aza tohizina intsony
Fa i Gasikara ihany, no mampivadika ny fony
--------
Rohy:
Sokajy : Tanindrazana
1091 2
Hevitra mandeha
tsiambaratelo ( 02/07/2009 04:05)
Mivavaha hoany Nosintsika.Tsara lay vetsonao.
rijadolly ( 04/07/2009 07:54)
Tena tsara no sady mampiheritreritra anay mpandrendrika ity Firenena ity.Misaotra an'Desirelyaime aoka hisaina izay mahita fa tena misy tokoa ny olona miforitra anaty noho ny fitiavany ny Tanindrazany.Misaotra an'Tsiambaratelo koa fa nahatsapa koa aho fa tokony hisehoan'voninahitr'Andriamanitra ity Nosy ity fa tsy oh zao
benasy ( 06/07/2009 09:45)
Miarahaba an'ise Rijadolly, ela izany an!
Hametraka hevitra
Midira aloha
Momba ny tononkalo
Mpanoratra : Desirelyaime
Nampiditra : desirelyaime
Daty : 29/06/2009 19:36
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0099