Ankizy mpangataka (Fanilo Masindahy)

Ankizy lahy iray no miandrandra valimbavaka;
Ao anaty fahoriana lalina, izy no miezaka mitsiky
Noana sy farofo, toa voro kely anaty lavaka;
Miandry izay handalo, hangoraka raha hisy...✨

Very fanahy mbola velona, fa azom-pahoriana...
Miangatra hoy izy ny fiainana, fa ady ! Fijaliana...
Rahoviana ny vintana vao mba hamiratra ?
Sa ho faty manantena! Tsy mahatombo-tsiraka ?

Tsy te hikaroka vahaolana intsony...
Ny saiko mihintsy hoy izy no efa resy !
Tomany irery, ato anaty lamba gony...
Fa atreto mbola mangataka no mety ! ?

Mafy ny kamboty hoy izy; dieny izao...
Mbola velon-dray aman-dreny ianao !
Hajao izy, ary ny fianarana hilofoso...
Aza miandry fahalavoana;
vao tapakevitra hiroso ! ??
--------