Ady mafy (Fanilo Masindahy)

Fa na dia mamy aza ny toromaso;
Dia tsy maintsy hiarina aho lehiretsy
Hiatrika ny tolona an-davanandro;
Sy ny sedram-piainana rehetra

Fa aminay lehitsy! Sarotra ny miaina
Na dia anakiroa aza ny lavak'orona
Be loatra ny adidy hiasan' ny saina
Toy ny very ondry manara-morona

Enjana ny ady, enjana ny fiainana e!
Nefa moa iza no afaka hitarainana ?
Izaho efa adinonareo satria mahantra
Hoe adala ka aleonareo tsy mihantra

Raha mangataka aho latsaina:
Hoe mitadiava asa raha misaina
Mitady asa aho nefa tsy omena
Inona ihany izany no antenaina?

Hatrehako foana na mafy
Ho zakaiko tsy hitarainako
Mino aho fa mbola ho avy
Ilay masoandro handravaka ny marainako

FANILO MASINDAHY
--------