ANDOSIRAKO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
ANDOSIRAKOAndosirako ny olona
rehefa mamololona
toe-panahy ambany
toa henatry ny tany.
Andosirako ny trano
'zay nahitana angano,
na hita ho be harena
itoeram-bolamena.
Andosirako ny andry
'zay tsy nahatafandry,
na manan-java-tsoa
tsy manam-paharoa.
Andosirako ny taona
tsaroana nampisaona,
na mirakitra tantara
sarotra eto ambara.
Fredy JAOFERA
--------
Rohy:
Sokajy :
Fampaherezana - ahy - Fiononana - fananarana - Fiaraha-monina - Alahelo - Eritreritra mandalo - fiainana - Aingam-panahy
