ANTSON'NY NOSY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
ANTSON'NY NOSYAntson'ny nosy
no mampisosa ny penina
fa mikororosy
satria ao ny be marenina.
Antson'ny nosy
no mampisento mangina
fa voahosihosy
hatramin'ireo manan-jina.
Antson'ny nosy
no anaovana andraikitra
na 'lay lakolosy
maneno fa asa raikitra.
Antson'ny nosy
no iantsorohana adidy
raha mitositosy
sy toy izany 'ty safidy.
Fredy JAOFERA
--------
Rohy:
Sokajy :
ahy - Fiononana - fananarana - Fiaraha-monina - Tanindrazana - Alahelo - Eritreritra mandalo - fiainana - Aingam-panahy
