AO ANATIKO AO IHANY ! (Fredy Jaofera)

Tsy voalazako amin'ny sary
'reo tebiteby nampandreraka ;
tsy voadikako raha mba zary
ao anatiko ao tanteraka.



Tsy voalazako amin'ny hira
'reo efa sedra nandalovana ;
tsy mba haiko, na tsy arira
fa ao am-po torandrovana.



Tsy voalazako amin'ny teny
ny ranomaso tsy hay ambara ;
tsy voaborako eto ombieny
fa ao anaty hatrany am-para !



Tsy voalazako amin'ny soratra
'zay alahelo mafy indrindra ;
tsy voavoakako amin'ny ohatra
fa ao am-po ary tsy mirindra.





Fredy JAOFERA
--------