AVY AMIN'NY FANAINTAINANA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
AVY AMIN'NY FANAINTAINANAAvy amin'ny fanaintainana
no lesona ben'ny fiainana
hahalalam-pahombiazana
hampijoro ery ho mazana.
Avy amin'ny fanaintainana
no tsy ahitam-pahalainana
fa ho kiry ny hiotra hatrany
ho soa ny fiainana an-tany.
Avy amin'ny fanaintainana
no hisinda ireo fitarainana
fa ny ezaka no hisasarana
hahatongavam-pivoarana.
Avy amin'ny fanaintainana
no hanovozam-pisainana
lavitry ny fahasahiranana,
hamoa ny tena fiadanana.
Fredy JAOFERA
--------
Rohy:
Sokajy :
Fiaraha-monina - fiainana - fananarana - Fahatsiarovana - Eritreritra mandalo - Aingam-panahy - ahy
Mpakafy:
havotraniaina
