Aza fohazina (Fredy Jaofera)

Aza fohazina eto intsony
Ny alahelo izay matory
Sao hitraotra ka ny ony
Hisavoara...Hanorisory.
Aza fohazina eto intsony
Ny ranomaso izay nijoy,
Sao hikiky ka tsy hitony
‘reo sentosentoko nitohy.
Aza fohazina eto intsony
Ny adiady izay nitranga
Sao re indro ho lonilony
No hisisika sy hiranga.
Aza fohazina eto intsony
Ny tebiteby izay nahazo
Sao ho faty ka tsy hamony
‘lay niriko ho voninkazo.
--------