ENTO (Fredy Jaofera)

ENTO





Ento any aminy any
ny amboara tononkalo ;
ho azy foana hatrany
raha tazanao mimalo.
.


Raketo azy fa ny aty
manoratra tsy miato ;
mandehana ka ny dia,
halaviro ny harambato.


Tonony azy moramora
'zato vavak'ilay poety,
na minitra na ho ora,
na lazaina ho vetivety.



lazao azy fa ny teny,
mandalo na miserana ;
fa ny soratray ombieny
no eto ho fanaperana.






Fredy JAOFERA
--------