ERITRERETIKO DIA HADINO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
ERITRERETIKO DIA HADINOEritreretiko dia hadino
izay nanahirana ahy fahiny
fa mbola tsy mampino,
hoy aho ange ankehitriny.
Eritreretiko dia hadino
ny ratra maro notatazana,
ry alina !...Ampangino
itony sento, na tsy tazana.
Eritreretiko dia hadino
ny sedra lava nampahory,
ry tantara !...Vimbino
ny anio hampitondra tory.
Eritreretiko dia hadino
ilay fitia nokasaina hijoro,
ry nivadika !...Banjino
ny nofinofy maro fa hikoro.
Fredy JAOFERA.
--------
Rohy:
Sokajy :
Ahy - Fahatsiarovana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
