FA IZA MOA IANAO ?... (Fredy Jaofera)
Mbola tsisy niantsa
(Nalaina tao amin'ny vetso.serasera.org)
FA IZA MOA IANAO ?...Fa iza moa ianao no nanova ny fiainako
ka afa-nandrodana ireo mety fitarainako ?
Iza moa ianao fa na tiako sy tsy foy,
ranomaso foana no tonga sy mijoy ?
Fa iza moa ianao no nitondra ny alahelo
nafenina mangina tato am-po mamelovelo ?
Iza moa ianao fa ny taza-maso sy tsaroako,
tsy rediredy etoana, na saika tsy ninoako ?
Fa iza moa ianao no nanjary olon-kafa :
tonga hoe fahavalo sy tsy nahay nitafa ?
Iza moa ianao fa toa mahagaga hatrany,
raha ela niarahana ka mampanontany ?
Fa iza moa ianao no mba zazazaza saina
ka ny efa nomena, notadiavinao nalaina ?
Iza moa ianao fa mbola hafahafa kosa
raha notiavina hatrizay no lasa nifosa ?
Fredy JAOFERA
--------
Rohy:
Hevitra mandeha
mitsoa
(
12/06/2013 07:47)
tsy tsaroinao ve fa izaho lay fitiavana nifoha tao anaty lalina ka nahantong anao ho toy izao???
3004
(
12/06/2013 17:31)
Marina raha tsaroako. Naninona ianao izao vao niteny ?....Aiza ianao fa tadiaviko ?!
