FO TSY MANADINO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
FO TSY MANADINOFo tsy manadino
no manoratra ho anao
ka avia re, fihino,
tsy hisy sento mitatao.
Fo tsy manadino
no manainga ny fanahy
ka izany, halalino,
fa ny aty ange manahy.
Fo tsy manadino
no mamelona hafaliana,
izao ampangino
ireo kalo tsy hay didiana.
Fo tsy manadino
no mitondra ny alahelo,
iza moa no hino
fa nisy izay efa in-telo ?
Fredy JAOFERA
--------
Rohy:
Sokajy :
Ahy - Embona - Fisarahana - Fahatsiarovana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
