HAFAHAFA (Fredy Jaofera)

HAFAHAFA





Hafahafa amiko
fa tsy tena mamiko,
ra'efa olona nanozona
sy tia nanozongozona
'zay hahapotika ny fiainana
ary angamba ny fisainana
hilentika any an-davaka
no milaza fa hivavaka !



Hafahafa loatra
matoa nampitraotra
ny foko manontolo !...
fa hay dia vorondolo
tsy azo namaharana
na mety nanambarana
ny hery rehetra rehetra
raha niloka, nitsetra !



Hafahafa ihany
ra'sendra be tomany,
fa ny niainana sy hita
dia izay tsy hahatafita
no efa tao an-tsainy
sy zavatra mba hainy.
Izay no tena niavaka
fa tsy izay mivavaka !





Fredy JAOFERA
--------