HITANAO (Fredy Jaofera)

HITANAO




Tompo o !...


Hitanao ny fihafiako,
hitanao ny fijaliako,
ka Dera no atolotro,
Laza no eto imolotro
raha hira ny androko
sy ao ny masoandroko.



Hitanao ny hasasarako,
hitanao ny namaharako,
ka Saotra no akariko,
Haja no efa itariko
raha niova ny rasa,
sy nivadika ny lasa.



Hitanao ny ady mafiko,
hitanao izay fitafiko
ka Hoby re no haiko
sy mbola hoe lalaiko
ho anao irery ihany,
na latsaka tomany !




Fredy JAOFERA
--------