HO AN'IZA ? (Fredy Jaofera)

HO AN'IZA ?




Hoentiko ho an'iza ny foko
raha toa ka tsy ankasitrahana ?
Tsy ho zary hamoaka toloko
hatramin'izay hita mibahana ?




Hoentiko ho an'iza ny tiako
raha toa ka tsy manana anao ?
Tsy ho zary ho fangirifiriako
hatramin'izay tsy mety lao ?




Hoentiko ho an'iza ny voady
raha toa ka tsy ilaina intsony ?
Tsy ho zary alahelo no handady
hatamin'izay tokony hamony ?




Hoentiko ho an'iza ny raozy
raha toa ka tsy hokolokoloina ?
Tsy ho zary ho haingo sy paozy
hatramin'izay mba kalokaloina ?





Fredy JAOFERA
--------