MANDROSO (Fredy Jaofera)

MANDROSO





Mandroso ny firenena
fa mandroso any an-kady
raha very itony harena
sy izao no mba mianjady.




Mandroso ny firenena
fa mandroso any aoriana
raha indro mihenahena
sy mahazo izay tsy tiana.



Mandroso ny firenena
fa mandroso miha-mijaly
raha ny mafy no mitrena
efa ho hatramin'ny omaly.



Mandroso ny firenena
fa mandroso miha-mahantra
raha indro ihany fa nomena
ny esoeso tsy hita fatra !




Fredy JAOFERA
--------