MPIANDRY OMBY VOLAVITA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MPIANDRY OMBY VOLAVITA Mpiandry omby volavita
tsy tompony fa mpamerin-doha ;
misaotra tamin'izay vita
no atolorra anareo eto aloha !
Mpiandry omby volavita,
tsy mitombina loatra ny saina,
na dia tokony hahatafita
raha tsy maintsy tantaraina.
Mpiandry omby volavita,
very fotoana be fandaingana,
nisasatra ihany vao nita
fa natao izay tsy hahatamana.
Mpiandry omby volavita,
nanantena handray fitoniana
kanefa eso no niritarita
niteraka ho azy ny fanaviana.
Fredy JAOFERA
--------
Rohy:
Sokajy :
Ahy - Fahatsiarovana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
