NAMPIVANDRAVANDRA (Fredy Jaofera)

NAMPIVANDRAVANDRA






Taiza no nisy volana toy izao :
mody tsara ery eny imasonao ?
Fa vao mitodika fotsiny kosa :
latsa sy eso no heno misosa !




Mpaniratsira tsy hita ambara,
poizina iray hatrany am-para ;
anaka, hono, fa am-po marary
no nasesiny ka dia tsy nanjary.




Aleoko dia milaza ho tsy tia
toy izay mihatsaravelatsihy ;
‘zay tsiniko re dia hita intsony,
fa izao, hono, vokatry ny fony.




Ireny no nantsoina ho volana,
ka aiza moa no tsy nisy olana ?
Tsy fidiko ange no niantso izany
matoa aho eto toa be tomany !





Fredy JAOFERA
--------