NANDALO NY FITIAVAKO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NANDALO NY FITIAVAKONandalo ny fitiavako,
tsy hita ianao nandray,
na teo aza ny vavako
nanandratra azy izay.
Nandalo ny fitiavako,
tsy hita ianao nitana
ka maty ny finiavako
vao nikaro-panovana.
Nandalo ny fitiavako,
tsy hita ianao nitady
hampifaly ito tavako
ka ekeo ity mianjady.
.Nandalo ny fitiavako
tsy hita ianao nitory
fa hany fahasoavako
ka lanjao ny sorisory.
Fredy JAOFERA
--------
Rohy:
Sokajy :
Fisarahana - fananarana - Fiaraha-monina - Alahelo - Eritreritra mandalo - fiainana - Aingam-panahy
