NOFIKO ANGAMBA (Fredy Jaofera)
Pas encore lu
(Nalaina tao amin'ny vetso.serasera.org)
NOFIKO ANGAMBANofiko angamba ny hanana reny
mahay manaja sy azo itokisana ;
nofiko angamba fa toa lavareny
ireo esoeso nataony hamokisana.
Nofiko angamba ny hanana reny
mahay manoro sy azo amikirana ;
nofiko angamba fa teny ho eny,
nolatsalatsaina ka nandosirana.
Nofiko angamba ny hanana reny
mahay manova sy azo iresahana ;
nofiko angamba fa tsy voateny
ireo redirediny mila hibahana.
Nofiko angamba ny hanana reny
mahay manitsy sy azo idongiana ;
nofiko angamba fa nohosihoseny
ireo voninahitra sy fifaliana.
Fredy JAOFERA
--------
Lien:
