RAHA HO ANY IANAO... (Fredy Jaofera)
Mbola tsisy niantsa
(Nalaina tao amin'ny vetso.serasera.org)
RAHA HO ANY IANAO...Ento any aminy any
ny amboara tononkalo ;
lazao azy ny hatsarany
no tsy azony atakalo !
Raketo azy fa ny aty,
manoratra tsy miato ;
mandehana ka ny dia,
halaviro ny harambato !
Tonony aminy mora
ny vavak'ilay poety ;
andeha re ka mizora
sao ao tsy metimety !
Ambarao fa ny teny
efa hita fa miserana
fa ny soratro ombieny
no eto ho fanaperana !
Fredy JAOFERA
--------
Rohy:
Sokajy :
ahy - Fampaherezana - Fisarahana - Fahatsiarovana - Eritreritra mandalo - Alahelo - fiainana - Aingam-panahy - Fitiavana
