RAHA OHATRA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
RAHA OHATRARaha ohatra ianao
ka tia tanindrazana,
ataovy ny azo atao
fa ny asa, mazana.
Raha ohatra ianao
ka tia tanindrazana,
tohano sy hazavao
ny vahoaka tazana.
Raha ohatra ianao
ka tia tanindrazana,
ny kolikoly re ialao
hisy fahombiazana.
Raha ohatra ianao
ka tia tanindrazana,
ny sedra koa vahao
fa toa tany ngazana.
Fredy JAOFERA
--------
Rohy:
Sokajy :
Embona - Tanindrazana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
