RAHA TSY NISY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
RAHA TSY NISYRaha tsy nisy moa ianao
dia tsy nisy ny fitiavako
fa ho rediredy izay natao
sy tsy nitsiky 'tony tavako.
Raha tsy nisy moa ianao,
tsy nihiratra ny androko,
ny hakiviana tsy ho tsaho
sy hafa ny masoandroko.
Raha tsy nisy moa ianao,
tsy tonga izay fiadanana
fa ho hetaheta mora lao
ny tigetra efa notanana.
Raha tsy nisy moa ianao,
ny fo ravo ho nofy ihany,
ny ahiahy tsy ho nandao,
nisy foana ireo tomany.
Fredy JAOFERA
--------
Rohy:
Hevitra mandeha
Zozoro
(
01/06/2013 14:30)
Raha tsy nisy moa ianao
Dia sahiko nampirimina
any an-dakira any ilay tononkirako iny.
Raha tsy nisy moa ianao
Tsy naleoko ve nangina
Toa moana sy marenina itadidiko ny fahiny !
Dia sahiko nampirimina
any an-dakira any ilay tononkirako iny.
Raha tsy nisy moa ianao
Tsy naleoko ve nangina
Toa moana sy marenina itadidiko ny fahiny !
3004
(
01/06/2013 17:23)
Elaela izany !...Misaotra anao, Zozoro !
