RAHATRIZAY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
RAHATRIZAYRehefa tonga ilay fotoana
ka mba handaozako ny tany,
dia tandremo sao misaona,
na halahelo sy hitomany.
Rehefa tonga ilay minitra
ka hikimpiako ho doria
dia raketo fa tsy ho ritra
ny ao am-poko mbola tia.
Rehefa tonga ilay anjara
hampisaraka amin'izay
dia mionona fa tsy tsara
ny hisento toa tsy hay.
Rehefa tonga, ry malala,
aza atao izay hankarary
fa ny foko tsy mba hiala
no efa tendrin-Janahary.
Fredy JAOFERA
--------
Rohy:
Sokajy :
ahy - Fampaherezana - Fisarahana - Fahatsiarovana - Eritreritra mandalo - Alahelo - fiainana - Aingam-panahy - Fitiavana
