RANOMASINA (Fredy Jaofera)

RANOMASINA





Ny ranomasina be midadasika
no mampitony sy indro mirary
ka ny eto amin'ity tora-pasika
no mizotra sy toa te haka sary.




Ny ranomasina be mangamanga
no mitondra ny saiko manjeny
ka ny kintana maro mpitranga
no mitaratra ahy eny ho eny.




Ny ranomasina be tsy manonja
no mibitsika foana tsy ho ory
ka mitarika hihira indray monja
'zao alina izao mba tsy hatory.




Ny ranomasina be rivodrivotra
no mitrotro ny hoavy rehetra
ka hamafa na mbola handifotra
'Reo sento ary tsy misy fetra.





Fredy JAOFERA
--------