RATSIMANDRAVA (Fredy Jaofera)

RATSIMANDRAVA


( Ho fahatsiarovana Ny Colonel Richard RATSIMANDRAVA voatifitra teo Ambohijatovo ny Talata 11 Febroary 1975 tamin'ny valo ora alina )




Iza ange no nanam-po
raha ambara mazava
fa ny tifitra no hanjo
an-dRatsimandrava ?


Iza ange no nahalala
fa eo Ambohijatovo
handriaka, hanadala
ny rà sy nisy vovo ?


Fa naninona izy re
no dia nahazo loza ?
Nampialona izy ve
ka tsy nivozavoza ?...


Lehiben'ny Firenena
nanomboka ny asany,
vao nitory fandresena
dia matin'ny sasany !


Lehiben'ny Firenena
nilain'ireo vahoaka ;
mba nampanantena
fa tsy afa-nitsoaka.


Lehiben'ny Firenena
nikatsaka ny Marina,
vao lany sy nekena
dia lavo tsy tafarina.


Lehiben'ny Firenena
tsy niamboho adidy
nanao ho volamena
ny hafatra sy didy.


Sahy izay nahasahy
fa mbola habibiana
nahakivy ny fanahy
raha toa ka zohina.


Raketo ity tantarany
fa tsy fantatra, hono,
hoy ny teny farany
ireo olona namono.




Fredy JAOFERA
--------