REHEFA MAKA TOERANA (Fredy Jaofera)
Pas encore lu
(Nalaina tao amin'ny vetso.serasera.org)
REHEFA MAKA TOERANARehefa maka toerana
ny alahelo ato am-po,
tsy misy fanaperana
ny sento izay manjo.
Rehefa maka toerana
ny disadisa nanadala,
mitranga ny fitserana
sy toa tsy mety miala.
Rehefa maka toerana
ny ratra hatramin'izay,
tsy tsapa ho miserana
fa mamely eto indray.
Rehefa maka toerana
ny Lasa izay tsy tiana,
misy ihany fiheverana
mankany am-pijaliana.
Fredy JAOFERA
--------
Lien:
Catégorie :
Fiononana - fananarana - Fiaraha-monina - Alahelo - Eritreritra mandalo - fiainana - Aingam-panahy
