REHEFA NY ALAHELO (Fredy Jaofera)

REHEFA NY ALAHELO




Rehefa ny alahelo
no betsaka ao am-po,
mampirotsa-delo
ny tomany izay manjo.



Rehefa ny alahelo
no mitombo lavareny
dia kely ny isa telo
ilazana sento ombieny.



Rehefa ny alahelo
no mameno ery ny ora
dia miantso avelo
hihaodihaody eto mora.



Rehefa ny alahelo
no mitoetra tsy te hiala,
itsoahy fa manelo,
hoy aho, tsy misalasala.




Fredy JAOFERA
--------