SATRIA LASA IANAO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
SATRIA LASA IANAO Satria lasa ianao
dia aleoko aloha mangina
fa ao anatiko ao,
tongavan'alahelo tsy nirina.
Satria lasa ianao
dia aleoko aloha samirery
fa mifamahofaho
ny lasantsika izay manery.
Satria lasa ianao
dia aleoko aloha mandinika
fa tsy mba kilalao
ny ngeza vita na ny madinika.
Satria lasa ianao
dia aleoko aloha maka aina
eto ihany fa sao
ho fahagagana ny maraina.
Fredy JAOFERA
--------
Rohy:
Sokajy :
Fisarahana - Embona - Ahy - Fahatsiarovana - Fananarana - Alahelo - Eritreritra mandalo - Fiainana - Aingam-panahy - Fitiavana
