TALENTAN'NY SASANY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TALENTAN’NY SASANY !Talentan’ny sasany
ny tia fosafosa ;
manao ho lahasany
ka halako kosa.
Talentan’ny sasany
ny manambany,
ka efa ho an-tsasany
‘zay hatsarany.
Talentan’ny sasany
‘tony fialonana
mamoaka ny lasany
saro-takonana.
Talentan’ny sasany,
henatra lava,
misy ny andrasany
ka be vava !
Fredy JAOFERA
--------
Rohy:
