TSY ADALA (Fredy Jaofera)
Pas encore lu
(Nalaina tao amin'ny vetso.serasera.org)
TSY ADALATsy adala akory ny olona
raha misy indray ny tolona
fa mihamafy re ny fiainana
tsy ilaozam-panaintainana.
Mba diniho ny vidim-bary
fa miaka-dava mankarary
sy mahaketraka isan'andro
vao eo Ingahy masoandro.
Jereo indray moa ny sosialy
fa n'aiza n'aiza, mampijaly ;
mipoitra ho azy sy igagana
'zay ambara ho fahantrana.
Saintsaino koa ny vola be
toa tsy hitahita fa mandeha
nefa maro no tsy mihinana
miandrandra fanambinana.
Fredy JAOFERA
--------
Lien:
Catégorie :
Fahatsiarovana - Tanindrazana - Eritreritra mandalo - Alahelo - fiainana - Aingam-panahy - Fitiavana
