TSY HAHASOA (Fredy Jaofera)
Pas encore lu
(Nalaina tao amin'ny vetso.serasera.org)
TSY HAHASOA Tsy hahasoa ny firenena
ny vinavina nokendrena
raha be fahasahiranana
tsy misy fananganana.
Tsy hahasoa ny firenena
itony andraikitra babena
raha tsy misy fivoarana
ny fahefana nisasarana.
Tsy hahasoa ny firenena
ny kabary tsy hay fefena
raha tsy hita mamokatra
sy fiadanana misokatra.
Tsy hahasoa ny firenena
izay rehetra mba volena
raha tsy karama notakina
no mitranga am-pitoniana.
Fredy JAOFERA
--------
Lien:
Catégorie :
Ahy - Fahatsiarovana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
