TSY HAY (Fredy Jaofera)
Pas encore lu
(Nalaina tao amin'ny vetso.serasera.org)
TSY HAYTsy hay ny nampandeha
ny fiainam-pirenena
ka aza asiana rehareha
izay vita fa tangena.
Tsy hay ny nampandeha
ny takin'ny vahoaka
ka ankehitriny, maneke
fa loza no mipoaka.
Tsy hay ny nampandeha
itony jiro na ny rano
ka tsy mba afa-manome
ny ilaina fa angano.
Tsy hay ny nampandeha
ny zavatra rehetra
ka mahazo tsiny marobe,
na aiza, mitoetra.
Fredy JAOFERA
--------
Lien:
