TSY ILAIKO INTSONY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TSY ILAIKO INTSONYTsy ilaiko intsony
ny hisisika ho any
fa mamin'ny fony
izaho very akany.
Tsy ilaiko intsony
ny hitady ny sainy
fa namely vavony
rehefa nolatsainy.
Tsy ilaiko intsony
ny hampiray fitia
fa tsy nampitony
ka saika nikodia.
Tsy ilaiko intsony
ny hitoky azy lava
fa namotika nony
nisy soa nanazava.
Fredy JAOFERA
--------
Rohy:
Sokajy :
ahy - fananarana - Fahatsiarovana - Alahelo - Eritreritra mandalo - fiainana - Aingam-panahy
